USAJILI Aziz Ki atajwa Mamelodi Sundowns
USAJILI Aziz Ki atajwa Mamelodi Sundowns
USAJILI Aziz Ki atajwa Mamelodi Sundowns
USAJILI Aziz Ki atajwa Mamelodi Sundowns, Klabu ya Mamelodi Sundowns imehusishwa kuiwania saini ya kiungo wa Yanga SC na Burkina Faso, Stephane Aziz Ki mzaliwa March 06-1996 Mjini Abidjan, Ivory Coast.
Mamelodi wameonekana kuvutiwa na kiwango cha Aziz Ki, hasa katika michezo ya Robo Fainali ya Ligi ya Mabingwa Afrika ambapo aliitikisa ngome yao ya Ulinzi.
Baada ya mchezo wa duru ya pili kati ya timu hizi, Kocha wa Mamelodi alikwenda alipokuwa ameketi Aziz Ki na kumnyanyua kisha kumfariji baada ya Yanga kutolewa katika mazingira ambayo yanasemekana kutokuwa halal.
Hata hivyo kupitia ukurasa wake wa Instagram, Stephen Aziz Ki amewaambia Mashabiki wa Yanga kuwa hana mpango wa kuondoka Jangwani, kwani kilichomleta kwenye timu hiyo bado hajakifanikisha.
“Hata pesa hauwezi kufikia kiwango cha upendo nilio nao kwa klabu hii (Yanga),” ameandika kupitia ukurasa wake wa Instagram akisistiza kwamba kilichomleta ni kutwaa mataji ya kimataifa na bado hajafanikiwa.
“Nina deni kubwa kwenu (mashabiki wa Yanga) na Yanga ni familia yangu,” ameeleza zaidi baada ya shabiki mmoja kumuuliza kama ni kweli anaenda Mamelodi Sundowns.
