USAJILI Valentino Mashaka Atua Simba
USAJILI Valentino Mashaka Atua Simba
USAJILI Valentino Mashaka Atua Simba
USAJILI Valentino Mashaka Atua Simba, Klabu ya Simba imekamilisha usajili wa Mshambuliaji, Valentino Mashaka kutoka Geita Gold kwa mkataba wa miaka miwili.
Valentino mwenye umri wa miaka 18 ni kijana mwenye kipaji na uwezo mkubwa wa kufunga na kutengeneza nafasi jambo lililoifanya Simba kuona kama mtu sahihi katika ujenzi wa kikosi kipya.
Msimu uliopita akiwa Geita Gold, Valentino Mashaka amehusika katika mabao saba, akifunga sita na kusaidia kupatikana kwa jingine moja (assist).
Ikiwa inathibitisha uwezo aliouonyesha msimu uliopita ameshinda mara mbili mchezaji bora wa mwezi wa klabu kwa tuzo zilizokuwa zinatolewa kwa wachezaji wa Geita Gold.
Aidha Valentino Mashaka ni kijana Mtanzania mwenye kasi na uwezo mkubwa wa kutumia nafasi na hicho ni moja ya kitu kilichoivutia Simba mpaka inapata saini yake.
Valentino Mashaka anaungana na
Washambuliaji wengine ambao ni Steven Mukwala na Freddy Michael na kufanya Simba kuwa na idadi ya Washambuliaji watatu bora.
Valentino Mashaka anakuwa mchezaji wa sita kusajiliwa na Simba kuelekea msimu ujao wa Ligi wa 2024/2025 baada ya kukamilisha usajili wa Wachezaji wengine ambao ni;
Abdulrazack Mohamed Hamza kutoka Super Sport ya Afrika Kusini, Lameck Lawi kutoka Coastal Union, Joshua Mutale kutoka Power Dynamos, Steven Mukwala kutoka Asante Kotoko na Jean Charles Ahoua kutoka Stella Club d’Adjamé.
