SERGE Pokou Mikononi mwa Simba
SERGE Pokou Mikononi mwa Simba
SERGE Pokou Mikononi mwa Simba
SERGE Pokou Mikononi mwa Simba, Klabu ya Simba inatajwa kuwa Katika hatua za mwisho kukamilisha usajili wa kiungo wa ASEC Mimosas ya Ivory Coast, Serge Pokou kwa mkataba wa miaka miwili wenye thamani ya Sh200mil.
Serge Pokou aliyezaliwa mwaka 2000, na sasa ana umri wa miaka 23, makuzi yake kwa kiasi kikubwa ni klabu ya Moossou Football Club ya nchini kwao Ivory Coast, lakini alijiunga na ASEC Mimosas na kudumu kwa misimu minne yenye mafanikio makubwa.
Serge Pokou ni sehemu ya kikosi cha ASEC kilichocheza na Simba kwenye Ligi ya Mabingwa msimu uliomalizika, na hadi sasa kiungo huyo amecheza mechi 12 akifunga mabao 3 na kutoa assist 1.
Ikumbukwee pia nyota huyu amekuwa akifuatiliwa kwa ukaribu zaidi na Yanga na vilabu vingine vya Afrika, lakini Simba wametajwa nafasi kubwa zaidi ya kuinasa saini ya Serge Pokou tena kwa dau dogo kabisa la Tsh Milioni 200.
Simba inapambana kukisuka upya kikosi chake ambacho kwa msimu uliomalizika wa 2023/2024 kwa miaka ya hivi karibuni kimekuwa sio tishio sana.
Hivyo Mabosi wa klabu hiyo wapo makini sana kwenye kufanya sajili ili kuendana na mahitaji yao, tena kwa kuzingatia umri.
Tayari maboresho yameshafanyika ndani ya Uongozi wa Simba haswa upande wa kamati ya usajili, vichwa kadhaa vimeongezwa ili kusimamia suala hilo, kuna Magori, Sued Nkwabi, Mulamu, na Kassim Dewji hawa jamaa wanatoka kwenye kundi la “Friends of Simba” ambalo lilikuwa msaada mkubwa sana kwenye mafanikio ya Simba kwa misimu mingi.
